გუნდები, რომლებმაც ფეხბურთელების ყიდვა - გაყიდვით ყველაზე დიდი მოგება მიიღეს

Transfermarkt-მა დაასახელა გუნდები, რომლებმაც ბოლო 10 წლის განმავლობაში ფეხბურთელების ყიდვა-გაყიდვით ყველაზე დიდი თანხა გამოიმუშავეს.

რეიტინგში ლისაბონის ,,ბენფიკა'' ლიდერობს. პორტუგალიურმა კლუბმა 2014-2015 წლების სეზონის შემდეგ, ტრანსფერებში 617 მილიონი ევრო გადაიხადა, მოთამაშეების გაყიდვით კი 1.36 მილიარდი ევრო იშოვა. შესაბამისად, ლისაბონელთა დადებითი ბალანსი 743 მილიონი ევროა.

,,ბენფიკამ'' გუნდისთვის რეკორდულ თანხად (127 მილიონი ევრო) 2019 წელს ჟოაო ფელიქსი გაყიდა, რომელიც მადრიდის ,,ატლეტიკოში'' გადავიდა.

ამ მხრივ მეორე ადგილს 484 მილიონი ევროთი ამსტერდამის ,,აიაქსი'' იკავებს (ყიდვა - 508 მილიონი; გაყიდვა - 993 მილიონი), მესამეზე კი 463 მილიონით ,,ზალცბურგია'' (ყიდვა - 196 მილიონი; გაყიდვა - 658 მილიონი).

გუნდები, რომლებმაც ფეხბურთელების ყიდვა - გაყიდვით ყველაზე დიდი მოგება მიიღეს:

1. ბენფიკა - 743 მილიონი ევრო

2. აიაქსი - 483 მილიონი ევრო

3. ზალცბურგი - 463 მილიონი ევრო

4. ლილი - 380 მილიონი ევრო

5. სპორტინგი - 369 მილიონი ევრო

6. პორტუ - 358 მილიონი ევრო

7. მონაკო - 288 მილიონი ევრო

8. ბრაგა - 236 მილიონი ევრო

9. პსვ - 231 მილიონი ევრო

10. დინამო ზაგრები - 231 მილიონი ევრო