"გრანდიოზულ გაცილებას მოვუწყობთ" | პორტუგალიის ფეხბურთის ფედერაციის განცხადება
პორტუგალიის ფეხბურთის ფედერაციამ (FPF) კრიშტიანუ რონალდუს მიერ სანაკრებო კარიერის დასრულების შესახებ მიღებულ გადაწყვეტილებას ოფიციალური განცხადებით უპასუხა და ლეგენდარულ კაპიტანს 23-წლიანი დაუვიწყარი მოღვაწეობისთვის უდიდესი მადლობა გადაუხადა.
მმართველმა ორგანომ ხაზგასმით აღნიშნა, რომ არ დაუშვებს ეროვნული გუნდის ისტორიაში უდიდესი ფეხბურთელის წასვლას მასშტაბური და გრანდიოზული გაცილების გარეშე, რომელიც მის კოლოსალურ მიღწევებსა და მემკვიდრეობას სრულად შეესაბამება.
🚨 LA FÉDÉRATION PORTUGAISE 🇵🇹 SOUHAITE ORGANISER UN IMMENSE HOMMAGE OFFICIEL À CRISTIANO RONALDO POUR CÉLÉBRER SES 23 ANNÉES EN SÉLECTION ! 🥹🐐
— Actu Foot (@ActuFoot_) November 5, 2026
🗣️ « La Fédération portugaise de football refuse que ces adieux se fassent sans l’hommage qui leur est dû.
Nous avons la ferme et… https://t.co/zksa8hZBL4 pic.twitter.com/oFzCSlknSs
„პორტუგალიის ფეხბურთის ფედერაცია უარს ამბობს, რომ ეს გამომშვიდობება იმ ჯეროვანი პატივისცემის გარეშე მოხდეს, რასაც იგი იმსახურებს. ჩვენ გვაქვს მტკიცე და უდიდესი სურვილი, დავგეგმოთ, ორგანიზება გავუწიოთ და აქტიურად ვითანამშრომლოთ ისეთი მასშტაბის ღონისძიების მომზადებაში, რომელიც კრიშტიანუ რონალდუს უზარმაზარი კარიერის საკადრისი გაცილება იქნება.
გულშემატკივრებსა და მთელ ქვეყანას კიდევ ერთხელ დაუბრუნდებათ შესაძლებლობა, აპლოდისმენტები მიუძღვნან და პატივი მიაგონ მოთამაშეს, რომელმაც ჩვენ ასე ბევრი რამ მოგვცა. გმადლობთ ყველაფრისთვის, კაპიტანო! ეს ყოველთვის შენი სახლი იქნება!“ - ნათქვამია ფედერაციის ოფიციალურ მიმართვაში
რონალდუმ პორტუგალიის ეროვნული ნაკრების მაისურით სარეკორდო 234 მატჩი ჩაატარა, 146 გოლი გაიტანა და გუნდს 2016 წლის ევროპის ჩემპიონატისა და 2019 წლის ერთა ლიგის ტიტულების მოპოვებაში ულიდერა. ფედერაციის განცხადებით, უახლოეს პერიოდში გახდება ცნობილი დეტალები იმ ოფიციალური ცერემონიის შესახებ, სადაც სრულიად პორტუგალია კიდევ ერთხელ მიაგებს პატივს თავის ეპოქალურ კაპიტანს.
სხვა სტატიები
