GLOBE SOCCER AWARDS | უსმან დემბელე წლის საუკეთესო ფეხბურთელი გახდა

28 დეკემბერს GLOBE SOCCER AWARDS დაჯილდოების ცერემონიალი გაიმართა, სადაც გამარჯვებულები სხვადადხვა კატეგორიაში გამოვლინდა.

ღონისძიების ყველაზე პრესტიჟული ჯილდო, წლის საუკეთესო ფეხბურთელის ტიტული პარი სენ-ჟერმენის ვარსკვლავმა, უსმან დემბელემ დაიმსახურა.

აღსანიშნავია რომ ღონისძიებაზე ყველაზე მეტი ჯილდო პარიზული გრანდის წარმომადგენლებმა მიიღეს. დემბელესთან ერთად საუკეთესო ნახევარმცველად ვიტინია, საუკეთესო განვითარებად ფეხბურთელად დეზირე დუე, საუკეთესო მწვრთნელად ლუის ენრიკე და საუკეთესო კლუბად პარი სენ-ჟერმენი დასახელდა.

რაც შეეხება ახლო აღმოსავლეთის წლის საუკეთესო ფეხბურთელს, აღნიშნული პრიზი პორტუგალიელ სუპერვარსკვლავ, კრიშტიანუ რონალდუს ერგო.