'გიორგის დარჩენა ზაფხულის საუკეთესო ამბავი იქნება' - უოტფორდის ფანები
Watford Observer-ის ჟურნალისტი გიორგი ჩაკვეტაძესთან ინტერვიუს აქვეყნებს. ადამ დრური წერს, რომ ქართველი ფეხბურთელის ტრანსფერით რამდენიმე გუნდი დაინტერესდა, თუმცა კლუბმა ისინი უარით გაისტუმრა. გუნდის იტალიელი მფლობელი ჯინო პოცო საუკეთესო მოთამაშეების შენარჩუნებას ცდილობს, რადგან ინგლისის პრემიერლიგაში გადასვლა უნდა. ინტერვიუდან, გიორგი ჩაკვეტაძის მთავარი სათქმელი იყო ის, რომ უოტფორდში თავს ძალიან ბედნიერად გრძნობს და ელის მომენტს, როდესაც სრულად გამოჯანმრთელდება. სტატიის კომენტარებში უოტფორდის ფანები გიორგის შესაძლო დარჩენას ეხმაურებიან.
გიორგის ჩვენთან დარჩენა ზაფხულის საუკეთესო ამბავი იქნება. ეგილის, პოლოკის, ჯეიმსის, ლუზას, ჰექტორის, გიორგის და ბას თაოსნობით ამ სეზონში შეიძლება ბევრი პრობლემა შევქმნათ და ეს ყველაფერი სწორი მიდგომა იქნება.
საყოველთაოდ აღიარებული ჭეშმარიტებაა, რომ თუ დარჩა, საფინალო გადაცემაზე ბევრი უნდა ავარჯიშონ.
ფაქტია, რომ მან საბოლოო პასი ჩემპიონშიპის თითქმის ნებისმიერ სხვა მოთამაშეზე მეტჯერ გასცა, ამიტომ არ ვიცი, რომელ სამყაროში უყურებთ ფეხბურთს (ყოველ შემთხვევაში, შობამდე, როდესაც გვყავდა მოთამაშეები, რომლებსაც გადაცემები უნდა ეკეთებინათ).
„შექმნილი შანსების“ სტატისტიკით ტოპ 20-დან მე-19 ადგილზე ყოფნა არ ნიშნავს „ჩემპიონშიპის თითქმის ნებისმიერ სხვა მოთამაშეზე მეტჯერ“. შეწყვიტეთ სიზმრების სამყაროში ცხოვრება. არასწორად ნუ გამიგებთ, ის შესანიშნავი მოთამაშეა, რომლის ყურებაც ღირს, თუმცა ბევრი საგოლე გადაცემა არ ჰქონია.
uცნაურად საუბრობთ მოთამაშეზე, რომელსაც ტრავმამდე, მთელ დივიზიონში, შანსის შექმნის ყველაზე მაღალი მაჩვენებელი ჰქონდა.
ვაღიაროთ, რომ ძალიან სახიფათო მოთამაშეა, მაგრამ სტატისტიკა ზურგს ვერ უმაგრებს. ისიც ვთქვათ, რომ გუნდელები ვერ ეხმარებიან.
შეიძლება უმცირესობაში ვიყო, მაგრამ გუნდში ყველა „საუკეთესო“ მოთამაშiდან გიორგი არ მომენატრება. ყოველთვის ვფიქრობდი, რომ ის ძალიან ღელავს და არც ისე კარგი შედეგები აქვს, ცდილობს ძალიან ბევრი მოთამაშე მოატყუოს და შორიდან ურტყამს, მაშინ როცა პასი უკეთესი ვარიანტი იქნებოდა. თუმცა, ყოველთვის 100%-ით იხარჯება.
მეტოქის გულშემატკივრებისგან მხოლოდ ის მსმენია, რომ ის საუკეთესო მოთამაშე იყო, ვინც კი მთელი წლის განმავლობაში უნახავთ. უნდა ვაღიარო, რომ სეზონის მეორე ნახევარი ჩაუვარდა - ძირითადად იმიტომ, რომ ყოველ კვირას 90 წუთი თამაშობდა და საქართველოს ნაკრებში ყოველ შესვენებაზე მიდიოდა, ამას ემატება ტრავმებიც - მაგრამ ძალიან გამიხარდება, თუ დარჩება.
- წერენ უოტფორდის ფანები
ჩაკვეტაძეს, წინა სეზონის ბოლოდან ტერფის ტკივილი აწუხებს. მოსამზადებელ ეტაპზე, ჯერ კიდევ ვერ ვარჯიშობს სრული დატვირთვით, თუმცა მისი გამოჯანმრთელების დრო ახლოვდება და ახალი მწვრთნელიც მას შეუცვლელ მოთამაშედ განიხილავს.
.70.webp)
სხვა სტატიები
