გიორგი ქინქლაძე: "ხვიჩა, შენ უკვე ისტორია ხარ"

ევროპული საფეხბურთო სეზონი კულმინაციას დღეს, მიუნხენში, ალიანც არენაზე მიაღწევს. კონტინენტის ორი საუკეთესო კლუბი, პსჟ და ინტერი მთავარი ტიტულის მოსაპოვებლად იბრძოლებენ და ქართველები განსაკუთრებულ მოლოდინში არიან - ფაქტორი ხვიჩა კვარაცხელიაა. ჩვენი საფეხბურთო ლეგენდა, გიორგი ქინქლაძე ამ მატჩის მნიშვნელობასა და კვარაცხელიას უდიდეს მიღწევას გამოეხმაურა.

პარიზული გრანდისთვის, გამარჯვების შემთხვევაში, ეს ჩემპიონთა ლიგის პირველი ტიტული იქნება ისტორიაში. ინტერს მთავარი ევროპული ჯილდო 3-ჯერ აქვს მოგებული, 3-ჯერ ფინალში დამარცხდა და მათ შორის 2023 წლის სეზონის გადამწყვეტ მატჩში, მანჩესტერ სიტის წინააღმდეგ.