გიორგი მიქაუტაძის ისტორიული შედეგი საფრანგეთის ლიგა 1-ში

საფრანგეთის ლიგა 1-ის 33-ე ტურის შეხვედრაში "მეცი" "სტრასბურგთან" 2:1 დამარცხდა. "მეცის" ერთადერთი გოლის ავტორი გიორგი მიქაუტაძე იყო, ეს ქართველისთვის და ზოგადად საფრანგეთის უმაღლესი ჩემპიონატისთვის ისტორიული გამოდგა.

ქართველმა ფორვარდმა საფრანგეთის ლიგა 1-ში ისტორია დაწერა და რეკორდი დაამყარა, ჟორჟმა იანვრის სატრანსფერო ფანჯრის შემდეგ ყველაზე მეტი 11 გოლი გაიტანა, მსგავსი შედეგი კონკრეტულ ჩემპიონატში არავის ჰქონია.

გიორგიმ ლიგა 1-ში ჩატარებულ 19 მატჩში 13 გოლი გაიტანა და აქტივში 4 საგოლე გადაცემაც აქვს. მეცში იჯარით დაბრუნების შემდეგ მან 11 გოლის გატანა მოახერხა და ბომბარდირთა დავაში მე-7 ადგილზეა.