გიორგი მიქაუტაძე: "გოლის გატანით შვება ვიგრძენი, ბედნიერი ვარ"

საფრანგეთის ჩემპიონატის მე-9 ტურში "ლიონმა" "ოსერს" უმასპინძლა და შეხვედა ფრედ, 2;2 დასრულდა. მატჩი იმით იყო გამორჩეული, რომ გიორგი მიქაუტაძემ დუბლი შეასრულა და თავის ლიონურ კარიერაში პირველი გოლები გაიტანა. გიორგი ამ დღეს დიდხანს ელოდა და ჟურნალისტებთანაც სწორედ ამ თემაზე ისაუბრა.

მატჩში ანგარიში სწორედ მიქაუტაძემ გახსნა, ქართველმა ოსერს პენალტის ნიშნულიდან, პირველი ტაიმის ბოლოს გაუტანა. მეორე ნახევრის დაწყებიდან 2 წუთში სტუმრებმა გაათანაბრეს, 62-ე წუთზე კი ბენრაჰმას გადაცემის შემდეგ, გიორგიმ ბრწყინვალე თავურით შეაგდო და ლიონი ისევ წინ გაიყვანა. შეხვედრის საბოლოო ანგარიში 72-ე წუთზე სტუმართა ნახევარმცველმა, ტრაორემ დააფიქსირა.

ლიონი 14 ქულით ცხრილის მე-7 პოზიციაზეა, მესამე ადგილზე მყოფ "მარსელთან" სხვაობა კი სულ რაღაც 3 ქულაა.