გიორგი მამარდაშვილი ვინისიუსთან მომხდარ ინციდენტს გამოეხმაურა

საქართველოს ნაკრების და "ვალენსიას" მეკარე, გიორგი მამარდაშვილი ლა ლიგის 35-ე ტურში, მადრიდის "რეალთან" (1:0) მოგებული შეხვედრის შემდეგ მომხდარ ინციდენტს გამოეხმაურა.

• გიორგი მამარდაშვილი Sofascore-ის ვერსიით ლა ლიგის ტურის სიმბოლურ გუნდში მოხვდა
• THE ATHLETIC: გიორგი მამარდაშვილი 5 კლუბის მთავარი სამიზნეა
• MARCA: “მამარდაშვილის გმირობამ ვალენსია იხსნა”

კონკრეტულად, საქმე ისაა, რომ თანაგუნდელ იუნუს მუსას, რომლის წინააღმდეგაც ბრაზილიელმა შემტევმა იუხეშა, ქართველი მეკარე გამოექომაგა და ვინისიუს ჟუნიორს სწორედ ამ მიზეზით დაუპირისპირდა, "ბლანკოსების" გულშემატკივრებმა კი ეს ყველაფერი რასისტულ შეურაცხყოფად მონათლეს.

საბოლოო ჯამში, 22 წლის გოლკიპერი ამ აჟიოტაჟს სოციალურ ქსელში გამოქვეყნებული პოსტით გამოეხმაურა და დაწერა - "არა რასიზმს!".

მოგვიანებით, მამარდაშვილმა კიდევ ერთინ პოსტი გამოაქვეყნა და ინციდენტთან დაკავშირებით ვრცელად ისაუბრა:

გიორგი მამარდაშვილი “ვალენსიას” 2021 წლის ზაფხულის სატრანსფერო ფანჯრის დროს “დინამო თბილისიდან” იჯარის წესით შეუერთდა, ზამთარში კი ესპანურმა კლუბმა ქართველი მეკარის კონტრაქტი 800 000 ევროდ გამოისყიდა.

ამჟამად მამარდაშვილის მიმართ ინტერესი ინგლისის პრემიერ ლიგის გრანდებს, “მანჩესტერ იუნაიტედს”, ლონდონის “ჩელსის”, “ტოტენჰემს”, “ასტონ ვილას” და “ლესტერ სიტის” და ასევე პორტუგალიურ "პორტუს" აქვთ და მოახლოებული ზაფხულის სატრანსფერო ფანჯრისას, დიდი ალბათობით ქართველი მეკარე კლუბს შეიცვლის.