"გიორგი მამარდაშვილი გუნდთან ერთად დღეს პირველად ივარჯიშებს" - არნე სლოტი

ინგლისის პრემიერ ლიგის 36-ე ტურის შეხვედრაში ლივერპული ჩელსის დაუპირისპირდება, მატჩი ხვალ თბილისის დროით 15:30 საათზე დაიწყება. შეხვედრამდე მერსისაიდული გუნდის მთავარმა მწვრთნელმა არნე სლოტმა პრესკონფერენციაზე სხვადასხვა მნიშვნელოვან საკითხზე ისაუბრა, მათ შორის ქართველი მეკარის გიორგი მამარდაშვილის მდგომარეობასაც გაუსვა ხაზი.

შეგახსენებთ, რომ გიორგი მამარდაშვილმა 19 აპრილს, პრემიერ ლიგის 33-ე ტურის შეხვედრაში ევერტონის წინააღმდეგ ტრავმა მიიღო და 58-ე წუთზე მისი საკაცით გაყვანა გახდა საჭირო.

ინგლისის პრემიერ ლიგაში ამ დროისთვის ლივერპულს 58 ქულა აქვს და მე-4 პოზიციაზეა (17 მოგება, 7 ფრე, 11 მარცხი).