გიორგი კვერნაძის გოლი თვის საუკეთესოდ დასახელდა

იტალიის სერია B-ს 30-ე ტურის შეხვედრაში "ფროზინონემ" "ბრეშა" 2:1 დაამარცხა. პირველი, შესანიშნავი გოლი გიორგი კვერნაძემ გაიტანა და თავისი გუნდის გამარჯვებაში ძალიან დიდი წვლილი შეიტანა. ქართველი ფეხბურთელის ეს უზუსტესი დარტყმა იტალიის სერია B-ში მარტის თვის საუკეთესო გოლად დასახელდა.

გიორგი კვერნაძეს მიმდინარე სეზონში 3 გოლი და 3 საგოლე გადაცემა აქვს.