"გიორგი ჩაკვეტაძის ტრანსფერით პრემიერ ლიგის გუნდია დაინტერესებული" - The Sun

გიორგი ჩაკვეტაძის ტრანსფერით პრემიერ ლიგის გუნდი "ვულვზია" დაინტერესებული, ამის შესახებ ინფორმაციას ბრიტანული გამოცემა The Sun აქვეყნებს. წყაროს ცნობით "უოტფორდისა" და "ლიდსის" შეხვედრაზე "ვულვზის" სკაუტები იმყოფებოდნენ და ქართველი ფეხბურთელის თამაშს აკვირდებოდნენ. პრემიერ ლიგის გუნდი ცხრილში არც თუ ისე კარგ მდგომარეობაშია და გაძლიერება სურს, რადგან თავიდან აირიდოს უმაღლესი ჩემპიონატიდან გავარდნა, ისინი კი გიორგის როგორც ერთ-ერთ მხსნელს ისე უყურებენ.

"უოტფორდს" ფეხბურთელის სანაცვლოდ 20 მილიონი ფუნტი სურს, გასათვალისწინებელია ისიც, რომ გიორგიმ ხუთწლიან კონტრაქტს ხელი უკვე მოაწერა. "ვულვზი" 25 წლის ფეხბურთელის გაფორმებას ზამთრის სატრანსფერო ფანჯარაზე შეეცდება.

გავრცელებულ ინფორმაციაში ნახსენებია ისიც, რომ გიორგი ჩაკვეტაძის ტრანსფერით სხვა პრემიერ ლიგის გუნდებიც აქტიურად ინტერესდებიან.

"ვულვზი" პრემიერ ლიგის ცხრილში 2 ქულით მე-19 ადგილზეა (0 მოგება, 2 ფრე, 7 მარცხი).

გიორგი ჩაკვეტაძეს მიმდინარე სეზონში 1 გოლი და 2 საგოლე გადაცემა აქვს.