"გარანტირებული არაფერია" - იურგენ კლოპი
მერსისაიდული გრანდის მთავარმა მწვთნელმა შესაძლო ტრანსფერებისა და UEFA-ს ჩემპიონთა ლიგის შესახებ ისაუბრა.
გერმანელი სპეციალისტი აღნიშნავს, რომ ჩემპიონთა ლიგაზე გამსვლელ ოთხეულში მოხვედრა, საკმაოდ რთულად შესასრულებელი ამოცანაა. კლოპი დასძენს, რომ უპრესტიჟულეს ევროპულ საკლუბო ტურნირზე გასვლის შემთხვევაში, კლუბს ტრანსფერების განხორციელება გაუმარტივდება - თუმცა, მის გარეშეც "ლივერპულს" გააჩნია სათანადო ავტორიტეტი, რომ ვარსკვლავები მიიზიდოს.
"მომავალ სეზონში ჩემპიონთა ლიგაზე ასპარეზობა გარანტირებული არაა, მაგრამ, სხვა ყველაფერი უცვლელია. ეს ფანტასტიკური კლუბია. ჩვენ ვართ "ლივერპული" - კლუბი, რომელიც ბევრი ვარსკვლავისთვის სასურველია. ამიტომ არ ვღელავ. რა თქმა უნდა, ჩემპიონთა ლიგის გარეშე რთული იქნება", - იურგენ კლოპი.
Klopp on Champions League as factor to make new signings: "We can’t guarantee UCL next year, but everything else is the same. It’s a fantastic club”. 🔴 #LFC
— Fabrizio Romano (@FabrizioRomano) May 12, 2023
“We are Liverpool, very attractive for a lot of players. I am not worried. Of course, it’s more difficult without UCL”. pic.twitter.com/tAD94j34tk
შეგახსენებთ, პრემიერ ლიგის უკანასკნელ 8 ტურში "ლივერპული" დაუმარცხებლად ასპარეზობს. "ჩელსისთან" და "არსენალთან" ფრედ დასრულებული მატჩების შემდეგ, მერსისაიდელებმა ზედიზედ 6 შეხვედრაში გაიმარჯვეს და ჩემპიონთა ლიგაზე გამსვლელ ოთხეულში მოხვედრის რეალური შანსი აქვთ.
სხვა სტატიები
