გალტიე: ,,მბაპეს ჯანმრთელობის გარისკვა არ გვსურს''

,,პარი სენ ჟერმენის'' მთავარი მწვრთნელის, კრისტოფ გალტიეს თქმით, კილიან მბაპეს ,,ბაიერნთან'' თამაში ნაკლებსავარაუდოა:

,,არ ვფიქრობ, რომ მბაპე ,,ბაიერნთან'' ითამაშებს. წინ სხვა მატჩებიც გველის და მისი ჯანმრთელობის გარისკვა არ გვსურს. იმედი გვაქვს, რომ ბოლომდე გამოჯანმრთელდება.

ასევე, ვიმედოვნებთ, რომ მესი, ვერატი და სხვა ფეხბურთელები, რომლებსაც ,,მონაკოსთან'' არ უთამაშიათ, ,,ბაიერნთან'' შეხვედრაში დაგვეხმარებიან,'' - განაცხადა გალტიემ.

მბაპემ ტრავმა ,,მონპელიესთან'', საფრანგეთის ლიგა 1-ის შეხვედრაში მიიღო.

ჩემპიონთა ლიგის მერვედფინალური ეტაპის პირველი მატჩი ,,პსჟ-სა'' და ,,ბაიერნს'' შორის სამშაბათს, 14 თებერვალს, პარიზში გაიმართება.