ფროზინონემ გაიმარჯვა | გიორგი კვერნაძის შეფასება

იტალიის სერია B-ს მე-19 ტურის შეხვედრაში, "ფროზინონესა" და "სალერნიტანას" დაპირისპირება შედგა. პრინციპული მატჩი მასპინძლების გამარჯვებით, 2:0 დასრულდა.

ქართველი გულშემატკივრისთვის განსაკუთრებით სასიამოვნოა ის გარემოება, რომ "ფროზინონემ" ანგარიში გიორგი კვერნაძის გოლით გახსნა. იტალიური კლუბის ქართველი ლეგიონერი სათადარიგოთა სკამზე იჯდა და მოედანზე 46-ე წუთზე შევიდა, ხოლო 63-ე წუთზე, მეტოქეს ბრწყინვალე გოლი გაუტანა. მატჩის მიწურულს კვერნაძემ თანაგუნდელიც მოამარაგა საგოლე გადაცემით.

გიორგი კვერნაძის კარგ თამაშს უყურადღებოდ არ ჩაუვლია. Sofascore-მ კვერნაძის თამაში 8.9 ქულით შეაფასა. მიუხედავად იმისა, რომ ახალგაზრდა ქართველი შემტევი მოედანზე მეორე ტაიმში შევიდა, მას ორივე გუნდის შემადგენლობაში ყველაზე მაღალი შეფასება ჰქონდა.