FourFourTwo-მ ყველა დროის საუკეთესო მეკარე დაასახელა
1 თვის წინ
ფეხბურთი
1 წთ
ბრიტანული ჟურნალის, FourFourTwo-ს ვერსიით, ყველა დროის საუკეთესო მეკარე ლევ იაშინია:
,,ერთადერთი მეკარე დღემდე, რომელმაც ოქროს ბურთის მოგება შეძლო. ლევ იაშინი ყველა დროის საუკეთესო რუსი ფეხბურთელია.
1958-დან 1970 წლის ჩათვლით საბჭოთა კავშირთან ერთად ოთხივე მსოფლიო ჩემპიონატზე გაემგზავრა, 1960 წელს კი მის ნაკრებს ევროპის ჩემპიონატის მოგებაში დაეხმარა - ,,შავი ობობა'', რომელმაც მსოფლიო გმირული მოგერიებებით აღაფრთოვანა. პორტუგალიელმა დიდმა ეუსებიომ მას ,,საუკუნის შეუადარებელი მეკარე'' უწოდა.'' - წერს FourFourTwo
ერთადერთი მოქმედი მეკარე, რომელიც ათეულში მოხვდა, გერმანიის ეროვნული ნაკრებისა და მიუნხენის ,,ბაიერნის'' გოლკიპერი - მანუელ ნოიერია. 38 წლის მანუ რეიტინგში მე-2 ადგილს იკავებს.
საუკეთესო ხუთეულში, ასევე, გორდონ ბენქსი, იკერ კასილასი და რიკარდო ზამორა არიან.
მსოფლიოს ყველა დროის 10 საუკეთესო მეკარე FourFourTwo-ს ვერსიით:
ლევ იაშინი
მანუელ ნოიერი
გორდონ ბენქსი
იკერ კასილასი
რიკარდო ზამორა
ზეპ მაიერი
ჯანლუიჯი ბუფონი
პეტრ ჩეხი
პეტერ შმეიხელი
დინო ძოფი