ფილ ფოდენი ინგლისის ნაკრებს დაუბრუნდა

ორი დღის წინ ფილ ფოდენმა ინგლისის ნაკრები დატოვა და შინ გაემგზავრა. ამის მიზეზად ოჯახური პრობლემები სახელდებოდა.

როგორც Sky Sports წერდა ახალგაზრდა ფეხბურთელს შვილი შეეძინა. ფილი ნაკრებს უკვე დაუბრუნდა და 1/8-ფინალისთვის მზადებას აგრძელებს. სტატიაში ისიც არის ნათქვამი, რომ ფოდენი სლოვაკეთთან თამაშისთვის მზად იქნება.

ფილ ფოდენმა მიმდინარე ჩემპიონატზე ჯერჯერობით თავი ვერ გამოიჩინა.

შეგახსენებთ, რომ ინგლისისა და სლოვაკეთის 1/8-ფინალური შეხვედრა 30 ივნისს. 20:00 საათზე შედგება.