FIFA ახალ წესზე მუშაობს, რომელსაც ემილიანო მარტინესის სახელი დაერქმევა
არგენტინის ნაკრებისა და "ასტონ ვილას" მეკარე ემილიანო მარტინესი საკმაოდ ქარიზმატული მოთამაშეა. ის ყველა ღონეს ხმარობს იმისთვის, რომ მოწინააღმდეგის თავდამსხმელს ყურადღება გაუფანტოს. თერთმეტმეტრიანი დარტყმის დროს არგენტინელი უამრავი გზით ცდილობს მეტოქეს თავგზა აუბნიოს.
სწორედ ამ ყველაფრის აღმოსაფხვრელად, FIFA-მ ახალ წესზე დაიწყო მუშაობა, რომელიც პენალტის დარტყმისას, მეკარეებს თერთმეტმეტრიანის შემსრულებელთან საუბარს უკრძალავს. გავრცელებული ინფორმაციის თანახმად, ამას "ემილიანო მარტინესის წესი" დაერქმევა.
With the 4th French penalty taker, Kolo Muani, Martinez first seems to communicate & gesture with a staff member on the sideline about Kolo Muani. Then he says several times “I’ve watched you!”.
— Geir Jordet (@GeirJordet) December 19, 2022
Now, the yellow card is inevitable, but too late, Martinez has basically won. 10/ pic.twitter.com/lcac5kwByk
აღნიშნულ თემასთან დაკავშირებით შეხვედრა შაბათს, ლონდონში გაიმართება, სადაც FIFA-ს საბჭოს წარმომადგენლები ახალ წესს განიხილავენ.
შეგახსენებთ, რომ რამდენიმე დღის წინ ემილიანო მარტინესმა FIFA-ს საუკეთესო მეკარის ტიტული დაიმსახურა.
სხვა სტატიები
