ფერნანდინიომ 40 წლის ასაკში საფეხბურთო კარიერა დაასრულა
ბრაზილიის ეროვნული ნაკრებისა და მანჩესტერ სიტის ყოფილმა ფეხბურთელმა - ფერნანდინიომ, 40 წლის ასაკში საფეხბურთო კარიერის დასრულება გადაწყვიტა.
ბრაზილიელი ფეხბურთელი ბოლოს ატლეტიკო პარანაენსეს შემადგენლობაში ირიცხებოდა, 2025 წელს კი ტრამვის გამო მან ერთ თამაშშიც კი ვერ მიიღო მონაწილეობის მიღება, რის გამოც გადაწყვიტა, რომ მისი და პროფესიონალური კარიერის ურთერთობა დასრულებულია.
🚨🇧🇷 𝐁𝐑𝐄𝐀𝐊𝐈𝐍𝐆 | Fernandinho (40) has retired from football, reports @geglobo. 👋
— EuroFoot (@eurofootcom) November 20, 2025
He won nearly 30 trophies, registering 900+ appearances and 200+ goal contributions.
"Everything we've done would not have been possible without Fernandinho.", said Guardiola in 2019. 👏 pic.twitter.com/IyUapo0nu9
ფერნანდინიო წლების განმავლობაში შახტარსა და მანჩესტერ სიტიში თამაშობდა, სწორედ ამ გუნდებში თამაშით დაამახსოვრა თავი საფეხბურთო სამყაროს.
მან ყველაზე მეტი მატჩი მანჩესტერულ კლუბში ჩაატარა (383), შახტარში კი 284-ჯერ ითამაშა.
ის საკმაოდ ტიტულოვანი ფეხბურთელია, მან სიტისთან ერთად ინგლისის ჩემპიონობა 5-ჯერ იზეიმა, 6-ჯერ კი ინგლისის ლიგის თასი მოიგო, ერთხელაც ინგლისის სუპერთასი. შახტარში კი უკრაინის ჩემპიონი 6-ჯერ გახდა.
რაც შეეხება სანაკრებო კარიერას, ბრაზილიის ეროვნულ ნაკრებში მისი დებიუტი 2011 წელს შედგა, რის შემდეგაც 53 თამაში ჩაატარ და 2018 წელს ნაკრებთან ერთად კოპა ამერიკა მოიგო.
„ყველაფერი, რაც გავაკეთეთ, ფერნანდინიოს გარეშე შეუძლებელი იქნებოდა“, - თქვა გვარდიოლამ 2019 წელს, რაც ამ ფეხბურთელის შესაძლებლობის შესახებ ძალიან ბევრ რამეს გვეუბნება...
სხვა სტატიები
