ფაბრიციო რომანო: "მბაპესა და რეალს შორის ყველა დოკუმენტი ხელმოწერილია"

მადრიდის "რეალმა" და კილიან მბაპემ ტრანსფერის ყველა დოკუმენტს მოაწერეს ხელი.

ინსაიდერის, ფაბრიციო რომანოს ინფორმაციით, ყველა დოკუმენტი, რომელიც ეხება საფრანგეთის ნაკრების 25 წლის ფორვარდის ტრანსფერს, რომელიც "პსჟ"-ს თავისუფალი აგენტის სტატუსით ტოვებს, შეთანხმებული, დამოწმებული და ხელმოწერილია.

მბაპემ საბოლოო გადაწყვეტილება თებერვალში მიიღო. ის უკვე შეიძლება ჩაითვალოს "რეალის" ფეხბურთელად. სავარაუდოდ, მადრიდელები კილიანს მომავალ კვირაში წარადგენენ.