,,ევროპა ლიგაზე ვართ, ბოლო მატჩი მხოლოდ ფორმალობაა'' - რას წერენ იაგელონიას ქომაგები იბერიაზე

ევროპა ლიგის მე-3 საკვალიფიკაციო ეტაპზე იაგელონიამ რეინჯერსი 2 მატჩის ჯამში 3:2 დაამარცხა და პლეი-ოფში იბერია 1999-ს დაუპირისპირდება.

მომავალი მეტოქის შესახებ იაგელონიას გვერდზე გამოქვეყნებულ პოსტს ადგილობრივი გულშემატკივრების მხრიდან დიდი გამოხმაურება მოჰყვა.

აი, რას წერენ პოლონელი გულშემატკივრები სოციალურ ქსელში:

• უკვე ევროპა ლიგაზე ვართ, ბოლო მატჩი მხოლოდ ფორმალობაა;

• გთხოვთ, წააგეთ ეს ორმატჩიანი დუელი და მერე კონფერენს ლიგაზე კარგად ითამაშეთ, თორემ ევროპის ლიგაზე ქულების მოპოვება ჯოჯოხეთურად გაჭირდება;

• მიხარია, რომ ეს შოტლანდიელი სნობები (რეინჯერსი) ჩეხებთან იწვალებენ, თუმცა ქართველების სათანადოდ არდაფასება არანაირად არ შეიძლება;

• ამ დაპირისპირებას მშვიდად უნდა მივუდგეთ. ჩვენ რეინჯერსი დავამარცხეთ მაშინ, როცა აუტსაიდერებად ვითვლებოდით... ღმერთმა ქნას, ამ შედარებით სუსტმა ქართულმა კლუბმა არ გაგვაგდოს;

• ქართული კონიაკი საუკეთესოა, დავლევთ გამარჯვებისა და ევროპა ლიგაზე გასვლის შემდეგ;

• ევროთასებზე ვართ! კონფერენს ლიგა საკმარისია, დროა ევროპა ლიგა დავიპყროთ;

იბერიასა და იაგელონიას პირველი მატჩი მომავალ ხუთშაბათს, 20 აგვისტოს, პოლონეთში გაიმართება, საპასუხო დაპირისპირება კი თბილისში 27 აგვისტოსაა ჩანიშნული.