Belive

ESPN-მა მსოფლიოს საუკეთესო გარემარბები დაასახელა

6 თვის წინ ფეხბურთი
1 წთ

ESPN-ის ვერსიით, ამ მომენტისთვის მსოფლიოს საუკეთესო გარემარბი ეგვიპტის ეროვნული ნაკრებისა და ლივერპულის შემტევი, მოჰამედ სალაჰია.

საუკეთესო ათეულში მე-7 ადგილზეა ხვიჩა კვარაცხელია, რომელსაც გამოცემა ,,კვარადონად'' კიდევ ერთხელ მოიხსენიებს.

,,რა ხდის მას განსაკუთრებულს - ის არის არაპროგნოზირებადი გარემარბი, რომელსაც მცველების დამარცხება, როგორც მარცხენა, ასევე მარჯვენა ფლანგზე შეუძლია.

ერთი მნიშვნელოვანი სტატისტიკა - პსჟ-ს შემადგენლობაში კვარადონას ლიგა-1-ში, თასსა და ჩემპიონთა ლიგაზე ერთი-ერთზე წარმატებული თამაშის მეორე საუკეთესო შედეგი აქვს.

რატომ არის ის ამ სიაში - ჩემპიონთა ლიგაზე პარი სენ ჟერმენის სეზონის პირველი ნახევარი წარუმატებლად წარიმართა, თუმცა, მას შემდეგ, რაც ნაპოლიდან 80 მილიონის სანაცვლოდ კვარაცხელია გადაიბირეს, ფრანგული გიგანტი ტრანსფორმირდა, ქართველი ფეხბურთელი კი პსჟ-ს თავსატეხის ბოლო ელემენტი გამოდგა. შეტევაში კვარას თავდაჯერება მას იმდენად არაპროგნოზირებადს ხდის, რომ მისი შეკავება საუკეთესო დაცვისთვისაც კი შეუძლებელია. მისი გადასვლა პსჟ-ში დემბელესა და დუეს გადასვლას დაემთხვა, რითაც გუნდი ევროპაში ყველაზე ძლიერ შემტევ ძალად იქცა.

რა იქნება მომავალში - 24 წლის ასაკში კვარას ფეხებთან მთელი მსოფლიო აქვს. ამ სეზონში მან პსჟ-სთან ერთად ჩემპიონთა ლიგა და ლიგა 1 მოიგო და ზაფხულში მსოფლიოს საკლუბო ჩემპიონატსაც შეუტევს. საქართველოს ნაკრებიც, ევრო 2024-ზე შთამბეჭდავი გამოსვლის შემდეგ, მსოფლიო ჩემპიონატზე გასვლის ერთ-ერთი პრეტენდენტია. კვარაცხელია, შესაძლოა, მსოფლიოს ერთ-ერთ უდიდეს ვარსკვლავად იქცეს.'' - წერს ESPN

რეიტინგში მეორე ადგილს ლამინე იამალი იკავებს. ხუთეულში, ასევე, რაფინია, ვინისიუს ჟუნიორი და უსმან დემბელე მოხვდნენ.

მსოფლიოს 10 საუკეთესო გარემარბი ESPN-ის ვერსიით:

  1. მოჰამედ სალაჰი - ლივერპული, ეგვიპტე

  2. ლამინე იამალი - ბარსელონა, ესპანეთი

  3. რაფინია - ბარსელონა, ბრაზილია

  4. ვინისიუს ჟუნიორი - რეალი, ბრაზილია

  5. უსმან დემბელე - პსჟ, საფრანგეთი

  6. ბუკაიო საკა - არსენალი, ინგლისი

  7. ხვიჩა კვარაცხელია - პსჟ, საქართველო

  8. ლეო მესი - ინტერ მაიამი, არგენტინა

  9. ნიკო უილიამსი - ბილბაო, ესპანეთი

  10. როდრიგო - რეალი, ბრაზილია

თაზო ერისთავი
თაზო ერისთავი

სხვა სტატიები

ლუის ენრიკე: "მესის 1 კაცით ვერ გააჩერებ, თავს კოლექტიურად დავიცავთ" ლუის ენრიკე: "მესის 1 კაცით ვერ გააჩერებ, თავს კოლექტიურად დავიცავთ"
რომა დევიძე
რომა დევიძე

5 თვის წინ ფეხბურთი

ხვიჩა კვარაცხელიას შეფასება ბრესტთან შეხვედრაში ხვიჩა კვარაცხელიას შეფასება ბრესტთან შეხვედრაში
რომა დევიძე
რომა დევიძე

1 თვის წინ ფეხბურთი