"ეს არ მოხდება" - მაიკლ კერიკი მანჩესტერ იუნაიტედიდან წასვლაზე

მანჩესტერ იუნაიტედის მთავარმა მწვრთნელმა, მაიკლ კერიკმა თანამდებობიდან გადადგომა გამორიცხა, მიუხედავად იმისა, რომ გუშინდელ შეხვედრაში, ასტონ ვილასთან ფრედ თამაშის შემდეგ (4:4), "წითელი ეშმაკები" გასავარდნ ზონაში აღმოჩნდნენ. ჯოშუა ზირკზესა და პატრიკ დორგუს მიერ დამატებულ წუთებზე გატანილმა გოლებმა, მანჩესტერს ქულა მოუტანა, თუმცა სანაკრებო პაუზას გუნდი მე-18 პოზიციაზე ხვდება.

კერიკზე ზეწოლა იზრდება. მისი გუნდი პრემიერ ლიგაში, ზედიზედ რვა მატჩია ვერ იმარჯვებს. მანჩესტერმა პრემიერ ლიგის მიმდინარე სეზონში, მხოლოდ და მხოლოდ იფსვიჩს მოუგო. Sky Sports-თან ინტერვიუში, კერიკს ჰკითხეს, განიხილავდა თუ არა თანამდებობის დატოვებას, რაც მანჩესტერ იუნაიტედის ყოფილმა ფეხბურთელმა კატეგორიულად გამორიცხა.

პრემიერ ლიგის 10 მატჩში მოპოვებული ერთადერთი გამარჯვებით, მანჩესტერ იუნაიტედი მე-18 ადგილზეა. 1986/87 წლების სეზონის შემდეგ, გუნდის ისტორიაში, ეს ყველაზე დაბალი პოზიციაა. იმ წლებში იუნაიტედი, სეზონის დასაწყისში, ბოლო, მე-20 ადგილზეც აღმოჩნდა. ამასთან ერთად, მანჩესტერმა რვამატჩიანი მოუგებელი სერია გაიმეორა, რომელიც 2025 წლის 1 აპრილიდან, 16 მაისამდე ჰქონდა.

სანაკრებო პაუზის დასრულების შემდეგ, ინგლისის 20-გზის ჩემპიონი ლივერპულთან დაპირისპირებით დაბრუნდება.