ეროვნული ლიგა: XXIX ტურის მიმოხილვა და სიმბოლური გუნდი

3 წლის წინ ფეხბურთი

2 წთ

საქართველოს ეროვნული ლიგის 29-ე ტურში რამდენიმე ისეთი შეხვედრა გაიმართა, რომელშიც ერთმანეთს უშუალო კონკურენტები და პრინციპული მეტოქეები დაუპირისპირდნენ, რამაც სატურნირო ცხრილში საინტერესო ცვლილებებიც შემოგვთავაზა.

ტური ფოთში, ქობულეთის "შუქურასა" და "დინამო ბათუმის" შეხვედრით გაიხსნა. აჭარული დერბი, საკმაოდ მძიმე თამაშის ფონზე წარიმართა, რომელშიც გამარჯვებული ბათუმელები გამოვიდნენ და საჩემპიონო მარათონში მორიგი სამი ქულა ჩაიწერა. 2:0 მოგებულ შეხვედრაში გოლები თორნიკე გაფრინდაშვილმა და ირაკლი აზაროვმა გაიტანეს.

სათამაშო დღის მეორე მატჩი "კავკასიონი არენაზე" გაიმართა სადაც "თელავმა" "ლოკომოტივს უმასპინძლა და ვაჟა ფაცაციას დუბლით - 2:1 აჯობა. ერთი ბურთი "რკინიგზელთა" მხრიდან თეიმურაზ შონიამ გაქვითა.

"ლოკომოტივთან" სტუმრად წაგებული დერბის შემდეგ, "საბურთალომ" საშინაო კედლებში "სამგურალი" - 2:1 დაამარცხა. გოლები გუნდის საუკეთესო ბომბარდირებმა, იური ტაბატაძემ და დმიტრი მანდრიჩენკომ გაიტანეს, ხოლო სტუმართა მხრიდან თავი სერგო კუხიანიძემ გამოიჩინა.

ტურის ყველაზე უხვგოლიანი დაპირისპირება გორში გაიმართა. "თენგიზ ბურჯანაძეზე" გამართულ შეხვედრაში თორნიკე კაპანაძის ეფექტური დუბლისა და ნიკა გაგნიძის გოლის მეშვეობით "დილამ" "სამტრედიას" - 3:1 აჯობა. სტუმართა მხრიდან ერთადერთი გოლი გიორგი არაბიძემ, 11-მეტრაინის ნიშნულიდან გაიტანა.

29-ე სათამაშო კვირის დასკვნითი და ცენტრალური დაპირისპირება "დინამო არენაზე" გაიმართა. ქართულ დერბიში "დინამომ" "ტორპედოს" მინიმალური უპირატესობით - 1:0 აჯობა. ერთადერთი და გამარჯვების გოლის გატანა ფაბიან სპორქსლედემ შეძლო.

29-ე ტურის შედეგები

სატურნირო მდგომარეობა 29 ტურის დასრულების შემდეგ

ფეხბურთელების ინდივიდუალური სტატისტიკა 29 ტურის დასრულების შემდეგ

29-ე ტურის დასრულების შემდეგ, იმ 11 ფეხბურთელისგან და მწვრთნელისგან შედგენილ სიმბოლურ გუნდს წარმოგიდგენთ, რომლებმაც Live.ge-ს ვერსიით, თავი საუკეთესოდ წარმოაჩინეს. მეკარე: ლუკა სანიკიძე ("თელავი"). მცველები: ფაბიან სპორქსლედე, საბა ხვადაგიანი (ორივე"დინამო თბილისი"), ვაჟა ფაცაცია ("თელავი"), ირაკლი აზაროვი ("დინამო ბათუმი"). ნახევარმცველები: გიორგი ჯანელიძე ("თელავი"), ლუკა გაგნიძე, ირაკლი ბიძინაშვილი (ორივე "დილა"), იური ტაბატაძე ("საბურთალო"). თავდამსხმელები: თორნიკე კაპანაძე ("დილა"), დმიტრი მანდრიჩენკო ("საბურთალო"). განლაგება: 4-4-2. მწვრთნელი: გიორგი მიქაძე ("თელავი").

ამირან შაიშმელაშვილი

სხვა სტატიები

მოპოვებული პენალტი და მოგება | ირაკლი აზაროვის შეფასება ბრესტთან მატჩში

შედევრი ეროვნულ ლიგაში - თელავის ფეხბურთელმა კუთხურიდან ჩაახვია