საქართველოს ეროვნული ლიგის მე-13 ტური ლიდერთა შეხვედრებით გამოირჩა. აქ ერთმანეთს წამყვანი ოთხეულის გუნდები დაუპირისპირდნენ.
ორი "დინამო" ორ თბილისურ კლუბს შეხვდა და თავის აქტივს 3-3 ქულა შესძინა. თბილისურმა "დინამომ" თანაქალაქელ "ლოკომოტივს" სტუმრად შეხვდა და ორი უპასუხო გოლი გაუტანა. რაც შეეხება ბათუმელებს, მათაც ვაკეში, მიხეილ მესხის სახელობის სტადიონზე, "საბურთალოსთან" მინიმალური უპირატესობით - 1:0 იმარჯვეს.
მსგავსი ანგარიშით მოიგო ქუთაისის "ტორპედომაც", რომელმაც შინ თბილისის "მერანს" გოლი ბოლო წუთზე, სტანდარტული სიტუაციიდან გაუტანა - 1:0.
ტურის ყველაზე უხვგოლიანი შეხვედრა გორში შედგა, სადაც მასპინძელმა "დილამ" ეროვნულ ლიგაში ადგილის შესანარჩუნებლად მებრძოლი "ჩიხურა" - 6:1 გაანადგურა.
ერთადერთი შეხვედრა, რომელშიც გულშემატკივარმა გოლი ვერ იხილა იმერეთში გამართული "სამტრედიისა" და "თელავის" დუელი გახლდათ.
მე-13 ტურის შედეგები:
"სამტრედია" - "თელავი" 0:0
"დილა" - "ჩიხურა" 6:1
"ტორპედო" - "მერანი" 1:0
"საბურთალო" - "დინამო ბათუმი" 0:1
"ლოკომოტივი" - "დინამო თბილისი" 0:2
მეცამეტე ტურის დასრულების შემდეგ, იმ 11 ფეხბურთელისგან და მწვრთნელისგან შედგენილ სიმბოლურ გუნდს წარმოგიდგენთ, რომლებმაც Live.ge-ს ვერსიით, თავი საუკეთესოდ წარმოაჩინეს.მეკარე: ლევან შოვნაძე (ქუთაისის "ტორპედო").
მცველები: როდნი კლოუსტერი, დავით კობოური (ორივე "დინამო თბილისი"), ლაშა კასრაძე (ქუთაისის "ტორპედო"), ვანდერსონ სილვა (გორის "დილა").
ნახევარმცველები: თორნიკე გაფრინდაშვილი, ჯაბა ჯიღაური (ორივე "დინამო ბათუმი"), გიორგი გაგნიძე, ფრანცისკო მადინგა (ორივე გორის "დილა").
თავდამსხმელები: დავით სხირტლაძე ("დინამო თბილისი"), მიკოლა კოვტალიუკი (გორის "დილა").
მწვრთნელი: ჩისკო მუნიოსი ("დინამო თბილისი").
ასევე იხილეთ: ეროვნული ლიგა: XII ტურის სიმბოლური გუნდიასევე იხილეთ: ეროვნული ლიგა: XI ტურის სიმბოლური გუნდიასევე იხილეთ: ეროვნული ლიგა: X ტურის სიმბოლური გუნდი ასევე იხილეთ: ეროვნული ლიგა: I წრის მიმოხილვა, სიმბოლური გუნდი და საუკეთესოები ასევე იხილეთ: ეროვნული ლიგა: IX ტურის სიმბოლური გუნდიასევე იხილეთ: ეროვნული ლიგა: VIII ტურის სიმბოლური გუნდი ასევე იხილეთ: ეროვნული ლიგა: VII ტურის სიმბოლური გუნდიასევე იხილეთ: ეროვნული ლიგა: VI ტურის სიმბოლური გუნდი ასევე იხილეთ: ეროვნული ლიგა: V ტურის სიმბოლური გუნდი ასევე იხილეთ: ეროვნული ლიგა: IV ტურის სიმბოლური გუნდიასევე იხილეთ: ეროვნული ლიგა: III ტურის სიმბოლური გუნდი
