ერლინგ ჰოლანდის საოცარი სტატისტიკა პრემიერ ლიგაში

ერლინგ ჰოლანდი ყველას გაკვირვებას ისევ აგრძელებს, ნორვეგიელ ფეხბურთელს მორიგი საოცარი სტატისტიკა დაუფიქსირდა. შეგახსენებთ, რომ გუშინ "მანჩესტერ სიტიმ" "ვესტ ჰემი" 1:3 დაამარცხა და სამივე გოლი ჰოლანდის ანგარიშზე იყო. 24 წლის ფეხბურთელს საწყის 3 ტურში უკვე 7 გოლი აქვს, მეორე ტურშიც "იფსვიჩის" წინააღმდეგ ჰეთ-თრიკი შეასრულა, პირველ ტურში კი "ჩელსის" 1 გოლი გაუტანა.

გაგაცნობთ პრემიერ ლიგის ისტორიაში იმ 4 ფეხბურთელს, რომლებმაც 8 ჰეთ-თრიკი შეასრულეს, საინტერესოა ვინ რამდენ თამაშში მოახერხა ამის გაკეთება:

• მაიკლ ოუენი 326 მატჩი

• ჰარი კეინი 320 მატჩი

• ტიერი ანრი 258 მატჩი

• ერლინგ ჰოლანდი 69 მატჩი

ნორვეგიელი ჰეთ-თრიკს ყოველ 8.6 თამაშში ასრულებს.