ერლინგ ჰოლანდი ნორვეგიის ნაკრების ყველა დროის საუკეთესო ბომბარდირი გახდა

ერთა ლიგის B დივიზიონის მე-3 ჯგუფის შეხვედრაში ნორვეგიის ნაკრებმა სლოვენიას უმასპინძლა და 3:0 დაამარცხა.

მატჩში დუბლი გაიფორმა ერლინგ ჰოლანდმა, რომელსაც ეროვნულ გუნდში 34 გოლი დაუგროვდა.

შედეგად, 24 წლის ფეხბურთელი ნორვეგიის ნაკრების ყველა დროის საუკეთესო ბომბარდირი გახდა. ერლინგმა იორგენ იუვეს გადაუსწრო, რომლის ანგარიშზე 33 გოლია (იუვემ 33-ე გოლი 1934 წელს გაიტანა).

ჰოლანდმა 34 გოლის გატანა 36 მატჩში შეძლო.

ნორვეგიის ეროვნული ნაკრები მომავალ შეხვედრას 13 ოქტომბერს, ავსტრიასთან სტუმრად გამართავს.