"ექიმი არ ვარ, მაგრამ რამოსის დაზიანება მძიმედ გამოიყურება" - ლუის ენრიკე

საფრანგეთის ლიგა 1-ის 2024/25 წლების სეზონი, "ლე ავრისა" და "პარი სენ-ჟერმენის" დაპირისპირებით გაიხსნა. პარიზელებმა სადებიუტო მატჩში დამაჯერებელი გამარჯვება (1:4) მოიპოვეს, თუმცა პირველივე ტაიმში გონსალო რამოსმა მძიმე ტრავმა მიიღო და მოედანი იძულებით დატოვა.

პარიზული კლუბის პირველი გოლი რამოსის აქტიურობას მოჰყვა. ეფექტური მოქმედებების შემდეგ, რამოსმა სეზონის პირველი ასისტი გაიფორმა, მაგრამ 25-ე წუთზე, მეტოქისგან ფეხში მძიმე დარტყმა მიიღო.

მატჩის დასრულების შემდეგ, ლუის ენრიკემ გონსალო რამოსის ტრავმის შესახებ ისაუბრა და აღნიშნა, რომ ის მძიმედ გამოიყურება.

შეგახსენებთ, გონსალო რამოსი 2023 წელს "პარი სენ-ჟერმენში" 1-წლიანი იჯარით გადავიდა. პარიზელებს მისი გამოსყიდვის უფლება ჰქონდათ და საბოლოოდ, 65 მილიონი ევროს სანაცვლოდ, რამოსმა "ბენფიკა" ოფიციალურად დატოვა და "პსჟ"-ს სრულუფლებიანი წევრი გახდა.