ემპოლის მწვრთნელი: "გოგლიჩიძესთან საუბარი ძნელია, თუმცა ნამდვილი პროფესიონალია"

ქართველმა მცველმა, საბა გოგლიჩიძემ, ახალი იტალიური სეზონი პოზიტიურად დაიწყო. ახალგაზრდა ქართველმა თავი "ემპოლის" ძირითად შემადგენლობაში დაიმკვიდრა და როგორც წესი, მაღალ შეფასებებს იმსახურებს. გამონაკლისი "ინტერთან" ჩატარებული შეხვედრა იყო, სადაც საბამ უხეშობის გამო წითელი ბარათი დაიმსახურა და ერთმატჩიანი დისკვალიფიკაციაც მიიღო. იტალიურ მედიაში ემპოლის მწვრთნელის, რობერტო დ'ავერსას კომენტარი ვრცელდება, სადაც ის საბა გოგლიჩიძის შესახებ საუბრობს.

ინტერთან მიღებული წითლის შემდეგ, საბამ ერთი თამაში გამოტოვა და მოედანს "ლეჩესთან" (1:1) ჩატარებულ შეხვედრაში დაუბრუნდა, თუმცა ტრავმა მიიღო და მინდვრის იძულებით დატოვება მოუხდა. გოგლიჩიძე გამოძახებული იყო ერთა ლიგის 2 უკანასკნელ თამაშშიც, თუმცა სწორედ ლეჩესთან მიღებული ტრავმის გამო, საქართველოს ნაკრებს ვერ დაეხმარა.