საბა გოგლიჩიძის შეფასება ინტერის წინააღმდეგ

იტალიის სერია A-ს 21-ე ტურის შეხვედრაში "ინტერმა" "ემპოლი" 3:1 დაამარცხა. 55-ე წუთზე ლაუტარო მარტინესმა ანგარიში გახსნა, 79-ზე დენზელ დუმფრისმა სხვაობა გაზარდა, 83-ე წუთზე სებასტიანო ესპოსიტომ ერთი გოლი გაქვითა, მაგრამ საბოლოოდ 89-ე წუთზე ორბურთიანი გახადა უპირატესობა მარკუს ტურამმა.

საბა გოგლიჩიძე შეხვედრაში 66-ე წუთზე ჩაერთო და Sofascore-მა მას 6.2 შეფასება დაუწერა, ქართველმა მცველმა 2 ორთაბრძოლაში მიიღო მონაწილეობა და ორივე მოიგო, ბურთს 18-ჯერ შეეხო, 15-დან 10 გადაცემა ზუსტად შეასრულა.

"ემპოლის" იტალიის სერია A-ს ცხრილში 20 ქულა აქვს და მე-14 ადგილზე იმყოფება (4 მოგება, 8 ფრე, 9 მარცხი), მომდევნო შეხვედრას ქართველი ფეხბურთელის გუნდი 25 იანვარს, 23:45 საათზე "ბოლონიას" წინააღმდეგ ჩაატარებს.