"დინამო თბილისი" გამოეხმაურა ქართულ მედიაში გავრცელებულ ინფორმაციას იმასთან დაკავშირებით, რომ თურქეთში შეკრებაზე მყოფ თბილისურ გუნდს "ლივერპულის" ყოფილი ფეხბურთელი, ალი სისოკო შეუერთდა.
გუნდში აცხადებენ, რომ აღნიშნული ფაქტი სიმართლეს არ შეესაბამება.
შეგახსენებთ, რომ დინამო თბილისმა ახალი სეზონისთის მზადების მეორე ეტაპი, 20 იანვრიდან, დაიწყო და შეკრებას თურქეთში გადის.
გუნდის მთავარმა მწვრთნელმა, გიორგი ნემსაძემ, შეკრებაზე 25 ფეხბურთელი წაიყვანა. პირველ სპარინგს დედაქალაქელები 23 იანვარს, სერბულ "რადნიკთან" გამართავენ.
