"დიდებული ისტორია, რომელსაც შენ წერ მომავალი თაობისთვის" - დვალიშვილი ხვიჩა კვარაცხელიაზე

ქართველი MMA-ს მებრძოლი მერაბ დვალიშვილი "ნაპოლის" ისტორიულ გამარჯვებას გამოეხმაურა. ქართველმა "მანქანამ" აღნიშნულ წარმატებაში ხვიჩა კვარაცხელიას წვლილიც გამოყო და მას ისტორიული უწოდა.

"დიდებული ისტორია, რომელსაც შენ წერ მომავალი თაობისთვის" - ასე გამოეხმაურა მერაბ დვალიშვილი ხვიჩა კვარაცხელიას ჩემპიონთა ლიგის 1/4 ფინალში გასვლას.

შეგახსენებთ, რომ რამდენიმე დღის წინ მერაბ დვალიშვილმა რუსი პიოტრ იანი დაამარცხა და UFC-ის სუპერმსუბუქი წონის პირველი ნომერიც გახდა.