დეშამი: ,,კვირას ტიტულის მოპოვებას ვეცდებით''

საფრანგეთის ეროვნული ნაკრების მთავარმა მწვრთნელმა, დიდიე დეშამმა, მსოფლიო ჩემპიონატის ფინალში გასვლაზე ისაუბრა:

,,ცხადია, ძალიან მნიშვნელოვანი შეხვედრა იყო. არსებობს ემოციები და სიამაყის განცდა. მორიგი მნიშვნელოვანი ნაბიჯი გადაიდგა, ერთიც დაგვრჩა.

უკვე ერთი თვეა, ერთად ვართ, იოლი არ ყოფილა და გაგვიმართლა კიდეც. კვირას ტიტულის მოპოვებას ვეცდებით.

ახლა მომენტისგან სიამოვნებას მივიღებთ და მსოფლიო ჩემპიონატის ბოლო მატჩისთვის მოვემზადებით,'' - დეშამის სიტყვებს ფიფას ვებგვერდი ციტირებს.

მსოფლიო ჩემპიონატის ნახევარფინალში საფრანგეთის ეროვნულმა ნაკრებმა მაროკოს 2:0 მოუგო.

მუნდიალის ფინალში დეშამის გუნდის მეტოქე არგენტინა იქნება. მატჩი კვირას, 19:00 საათზეა, ჩანიშნული.