დე ლაურენტისი პროკურატურაში მივიდა - საქმე ოსიმენის ტრანსფერს შეეხება
ნაპოლის პრეზიდენტი - აურელიო დე ლაურენტისი რომის პროკურატურაში მივიდა, რათა გამოძიების ფარგლებში დაიკითხოს.
პროცესი დაკავშირებულია სავარაუდო ფიქტიურ კაპიტალთან 2020 წელს თავდამსხმელის - ვიქტორ ოსიმენის შეძენის გამო. ამ საკითხთან დაკავშირებით, გასული წლის იანვარში, "Piazzale Clodio"-ს პროკურორებმა მოითხოვეს ბრალდების წაყენება ნაპოლის მფლობელისა და სხვა ეჭვმიტანილებისთვის.
დე ლაურენტისის დაკითხვა ერთ საათზე მეტხანს გაგრძელდა პროკურორის მოადგილის - ჯუზეპე კასჩინისა და დეპუტატის - ლორენცო დელ ჯუდისის წინაშე.
დაკითხვის ბოლოს, დე ლაურენტისმა სასამართლო ყოველგვარი განცხადების გარეშე დატოვა. სასამართლოს ესწრებოდნენ დამცველები - ფაბიო ფულგერი და ლორენცო კონტრადა, რომლებიც უახლოეს დღეებში გაავრცელებენ დაცვის განცხადებას მაგისტრატებისთვის.
2020 წელს ნიგერიელი ცენტრფორვარდი "ნაპოლის" ისტორიაში ყველაზე ძვირადღირებული ფეხბურთელი გახდა. დე ლაურენტისმა ტრანსფერის შემდეგ დეტალები გაამხილა.
"ეს არის კონტრაქტი, რომლის ღირებულება 80 მილიონს შეადგენს. 70 მილიონი გადასახდელია 5 წელიწადში და 10 მილიონი ბონუსი გარკვეული შედეგებისთვის..." - აურელიო დე ლაურენტისი
"ნაპოლიმ" უკვე დაადასტურა ის ფაქტი, რომ მათი მფლობელი - აურელიო დე ლაურენტისი რომის პროკურატურაში იმყოფება. ამ საქმის შესახებ სხვა დეტალები მოგვიანებით გახდება ცნობილი.
სხვა სტატიები
.32.webp)
