დე ლაურენტისი: "გარსიას შესახებ საუკეთესო გადაწყვეტილებას საჭირო მომენტში მივიღებ"
იტალიის სერია A-ს მოქმედი ჩემპიონი, მიმდინარე სეზონში არადამაჯერებლად ასპარეზობს. 8 ტურის შემდეგ, "ნაპოლიმ" მხოლოდ 4 თამაშის მოგება შეძლო და 14 ქულით, მე-5 პოზიციაზე იმყოფება.
ნეაპოლიტანური კლუბის გულშემატკივრები მთავარი მწვრთნელის მიმართ უკმაყოფილებას ვერ მალავენ და რუდი გარსიას გათავისუფლებას ითხოვენ. აღნიშნულთან დაკავშირებით, "პარტენოპეის" პრეზიდენტმა საინტერესო განცხადება გააკეთა, სადაც აღნიშნა, რომ გარსიას შესახებ, საუკეთესო გადაწყვეტილებას საჭირო მომენტში მიიღებს.
მთავარ მწვრთნელს კარგი დროება არ უდგას. როდესაც იღებ გადაწყვეტილებას და გუნდში მოგყავს მენეჯერი, რომელმაც იტალიური ფეხბურთი არ იცის, შესაძლებელია ასეთი რამ მოხდეს. რუდი გარსიას შესახებ საუკეთესო გადაწყვეტილებას საჭირო მომენტში მივიღებ - ფანები ჩემზე გავლენას ვერ მოახდენენ.
- აურელიო დე ლაურენტისი.
🚨🔵 Napoli president De Laurentiis: “It’s not a good moment with manager Rudi Garcia”.
— Fabrizio Romano (@FabrizioRomano) October 10, 2023
“When you decide to go for a coach who doesn’t know Italian football anymore, it can happen”.
“I’ll make the best decision at the right moment. I can’t be influenced by fans”. pic.twitter.com/4LQl6GmadC