დე ძერბი საკუთარ გუნდზე: "მენტალიტეტს ბაზარზე ვერ იყიდი"

ორი მატჩი, ორი მარცხი და არც ერთი გატანილი გოლი - ზაფხულის სატრანსფერო ფანჯარაზე დახარჯული 320 მილიონი ფუნტის მიუხედავად, ტოტენჰემი პრემიერ ლიგის სატურნირო ცხრილის ფსკერზე იმყოფება.

დე ძერბის გუნდი ნიუკასლს თამაშით ჯობდა, სანამ მეორე ტაიმის შუაში ენტონი ელანგამ ანგარიში არ გახსნა. სპურსმა პასუხი ვერ იპოვა. მალევე ვისამ ახლო მანძილიდან დამატებაზე გაიტანა და საბოლოო ანგარიში დააფიქსირა.

რობერტო დე ძერბის მიაჩნია, რომ ტოტენჰემის ფეხბურთელებში მენტალიტეტის შეცვლა მისთვის ყველაზე დიდი გამოწვევაა. ეს განცხადება მან მას შემდეგ გააკეთა, რაც Sky Sports-ის ანალიტიკოსმა, ჯეიმი კარაგერმა, ნიუკასლთან მარცხის შემდეგ გუნდის სეზონის სტარტი შეაფასა, როგორც „ყველაზე უარესი, რაც კი შეიძლებოდა ყოფილიყო“.

იტალიელი სპეციალისტი პირობას იძლევა, რომ რომ ეს სეზონი განსხვავებული იქნება იმ ბოლო ორისგან, რომლებიც ტოტენჰემმა მე-17 ადგილზე დაასრულა.