დავითაშვილის მორიგი გოლი - რა შეფასება დაიმსახურა ქართველმა შემტევმა?

საფრანგეთის ლიგა 2-ის 24-ე ტურში სენტ-ეტიენი ლავალს დაუპირისპირდა. დაძაბული მატჩი მასპინძლების გამარჯვებით, 2:1 დასრულდა.

ზურიკო დავითაშვილმა მატჩი ძირითად შემადგენლობაში დაიწყო და შეხვედრის პირველი გოლის ავტორიც გახდა. ქართველმა შემტევმა მე-3 წუთზე დანიშნული პენალტი ზუსტად შეასრულა და ლიგა 2-ის მიმდინარე სეზონში მე-11 გოლი გაიტანა.

ზურიკო დავითაშვილი მოედანზე ერთ-ერთი საუკეთესო იყო და მისი თამაში სტატისტიკის მწარმოებელმა პლატფორმებმა შემდეგნაირად შეაფასეს.

• Flashscore: 7.5

• Sofascore: 7.2

სენტ-ეტიენი 43 ქულით მე-2 პოზიციაზეა და გათამაშების ლიდერს მხოლოდ 2 ქულით ჩამორჩება. რაც შეეხება ზურიკო დავითაშვილს - ქართველი შემტევი 11 გოლით და 1 საგოლე გადაცემით ბომბარდირთა დავაში მეორე ადგილზეა.

სენტ-ეტიენი მომდევნო მატჩს 28 თებერვალს, პოს წინააღმდეგ გამართავს.