დანი მოტა პორტუგალიის ნაკრებში გამოიძახეს - უარი ლუქსემბურგის ნაკრებს

მონცას თავდამსხმელმა დანი მოტამ პორტუგალიის ნაკრების შემადგენლობაში პირველი გამოძახება მიიღო. ფეხბურთელი მთავარმა მწვრთნელმა რობერტო მარტინესმა ტრავმირებული ფეხბურთელების ტრინკაოს და გერეიროს ჩასანაცვლებლად გამოიძახა.

პორტუგალიის ეროვნულ ნაკრებს ამხანაგური მატჩები აქვს ჩასატარებელი შვედეთთან 21 მარტს და სლოვენიის წინააღმდეგ 26 მარტს.

დანი მოტამ სამჯერ თქვა უარი ლუქსემბურგის ნაკრებში თამაშის შესაძლებლობაზე, მაგრამ მას მაინც რჩება უფლება, სანამ პორტუგალიის შემადგენლობაში არ ითამაშებს.