"ჩვენ ვამაყობთ ისეთი ფეხბურთელით, როგორიც ვინისიუსია" - ფლორენტინო პერესი
3 კვირის წინ
ფეხბურთი
1 წთ
დღეს, მადრიდის "რეალმა" გენერალურ ასამბლეას უმასპინძლა, სადაც ფლორენტინო პერესმა სხვადასხვა თემების შესახებ ისაუბრა. ის ერთ-ერთ თემაზე საუბრისას, კლუბის ფეხბურთელებს შეეხო, როგორც წარსულში მოთამაშე ფეხბურთელებს, ასევე დღევანდელს.
პერესმა ვინისიუს ჟუნიორზე და ოქროს ბურთის დაჯილდოებაზე ისაუბრა:
ჩვენ ვამაყობთ ისეთი ფეხბურთელით, როგორიც ვინისიუსია. ჩვენთვის და ფეხბურთის მოყვარულთა უმეტესობისთვის, ის მსოფლიოს საუკეთესო მოთამაშეა. ძვირფასო ვინი, მინდა იცოდე, რომ მადრიდის "რეალი" ამაყობს შენით, იმ ყველაფრისთვის, რისი გადატანაც ბევრჯერ და უსამართლოდ მოგიწია. ამ ყველაფერმა გაგხადა ისეთი ფეხბურთელი, როგორიც ხარ.
როდრი შესანიშნავი ფეხბურთელია და ის მადრიდიდან არის, ის ჩვენ გვიყვარს. ის მართლაც იმსახურებდა ოქროს ბურთს, მაგრამ არა წელს, არამედ შარშან. ცხადია დღეს მსოფლიოს საუკეთესო ფეხბურთელი ვინისიუსია. თუკი ოქროს ბურთზე გავლენა ევროპის ჩემპიონატმა მოახდინა, მაშინ დანი კარვახალს უნდა მოეგო ის, თქვენ არ შეგიძლიათ ამ ყველაფრის ახსნა. თუნდაც მოგებას იმსახურებდა ბელინგემი. - ფლორენტინო პერესი - "რეალ მადრიდის" პრეზიდენტი
პერესმა ასევე ისაუბრა კილიან მბაპეს შესახებ:
მბაპეს მოსვლა ერთ-ერთი მთავარი მოვლენა იყო ფეხბურთის სამყაროში. ის უკვე დაგვეხმარა პირველი ისეთი ტიტულის მოგებაში როგორიც ევროპის სუპერთასია. - ფლორენტინო პერესი - "რეალ მადრიდის" პრეზიდენტი
ფლორენტინომ ტონი კროოსის და ხოსელუს შესახებაც ისაუბრა, რომლებმაც ზაფხულში გუნდი დატოვეს:
ძალიან რთულია კროოსის მსგავსი ადამიანის ნახვა, ის ჩვენს ისტორიაში ერთ-ერთი საუკეთესო და მსოფლიო ფეხბურთის ერთ-ერთი უდიდესი ლეგენდაა. მისი გუნდიდან წასვლა ძალიან ამაღელვებელი და დაუვიწყარი იყო. ძვირფასო ტონი, მადლობა ყველაფრისთვის, რაც გუნდისთვის გაიღე. შენ იცი, რომ ეს ყოველთვის შენი სახლი იქნება.
ასევე მინდა გავიხსენო ხოსელუ, რომელმაც მე-15 ჩემპიონთა ლიგის ფინალში გაგვიყვანა. მადლობა, ძვირფასო ხოსელუ. - ფლორენტინო პერესი - "რეალ მადრიდის" პრეზიდენტი
🚨💥 Florentino Pérez destapa las lagunas del Balón de Oro: “Rodri se merecía un Balón de Oro, pero no este año”
— MARCA (@marca) November 24, 2024
📲 @javiermansan pic.twitter.com/Uej5EOkQze
.70.webp)
სხვა სტატიები
