ჩემპიონთა ლიგის წყვილები გაირკვა!

2024/2025 წლების სეზონის ჩემპიონთა ლიგა განსხვავებული ფორმატით ჩატარდება. კარგად ნაცნობი ჯგუფური ეტაპი აღარ იარსებებს. 32-ის ნაცვლად, 36 გუნდი 4 სხვადასხვა კალათტაში კოეფიციენტების მიხედვით არის გადანაწილებული. თითო კალათაში 9 გუნდია, თუმცა ისინი ერთიანი, დიდი ლიგის ფორმატით ითამაშებენ და თითოეული გუნდი 8 შეხვედრას ჩაატარებს. ყველა გუნდი 4-ვე ჯგუფიდან 2 შემთხვევით შერჩეულ ოპონენტს შეხვდება - ერთს შინ, მეორეს კი სტუმრად.

წესების მიხედვით, გუნდი საკუთარი ქვეყნის წარმომადგენელს ვერ შეხვდებოდა, თითოეულ კლუბს კი ერთი ქვეყნის 2 წარმომადგენელზე მეტთან დაპირისპირების უფლება არ ჰქონდა. წილისყრაში უმთავრესი როლი კომპიუტერმა შეასრულა (ადამიანური შეცდომების თავიდან ასარიდებლად).

მადრიდის "რეალის" მაგალითზე იხილეთ პირველი კალათის ყველა გუნდის მეტოქეები: რეალი "დორტმუნდს" (სახლში), "ლივერპულს" (სტუმრად), "მილანს" (სახლში), "ატალანტას" (სტუმრად), "ზალცბურგს" (სახლში), "ლილს" (სტუმრად), "შტუტგარტს" (სახლში) და "ბრესტს" (სტუმრად) ეთამაშება.

ჩემპიონთა ლიგა სტარტს 17 სექტემბერს აიღებს. ყველაზე მეტი ქულის მქონე 8 გუნდი მერვედფინალში პირდაპირ გადავა, მე-9-დან 24-ე ადგილების ჩათვლით მყოფი გუნდები ორმატჩიან წინასწარი პლეი ოფის რაუნდს ითამაშებენ, შინ და გასვლაზე, და ასე დააკომპლექტებენ მერვედფინალს. 25-ე ადგილიდან 36-ე ადგილის ჩათვლით მყოფი გუნდები ევროტურნირს დაემშვიდობებიან და არც ევროპა ლიგაზე გადაინაცვლებენ.