ჩემპიონთა ლიგა | ყველა მერვედფინალისტი ცნობილია

დღეს ჩემპიონთა ლიგის პლეი-ინის ეტაპი დასრულდა და მერვედფინალის საგზური კიდევ 4-მა გუნდმა - ,,პარი სენ ჟერმენმა'', ,,რეალმა'', ,,პსვ ეინდჰოვენმა'' და ,,დორტმუნდმა'' გაიფორმა.

პლეი-ინიდან მომდევნო ეტაპზე გუშინ ,,ბრიუგე'', ,,ფეიენოორდი'', ,,ბაიერნი'' და ,,ბენფიკა'' გავიდნენ.

ეს 8 კლუბი 1/8-ფინალში იმ გუნდებს შეუერთდება, რომლებმაც პლეი-ოფში გასვლა ლიგის ფაზიდან შეძლეს (ლივერპული, ბარსელონა, არსენალი, ინტერი, ატლეტიკო, ლევერკუზენი, ლილი, ასტონ ვილა).

პლეი-ინიდან გასული გუნდების სავარაუდო მეტოქეები მერვედფინალში:

• პსჟ - ლივერპული/ბარსელონა

• ბრიუგე - ლილი/ასტონ ვილა

• რეალი - ატლეტიკო/ლევერკუზენი

• პსვ - არსენალი/ინტერი

• ფეიენოორდი - ინტერი/არსენალი

• ბაიერნი - ლევერკუზენი/ატლეტიკო

• დორტმუნდი - ასტონ ვილა/ლილი

• ბენფიკა - ბარსელონა/ლივერპული

მერვედფინალური ეტაპის წილისყრა პარასკევს გაიმართება და 15:00 საათზე დაიწყება.