ჩელსის მოლაპარაკებები იულიან ნაგელსმანთან ჩაიშალა
მას შემდეგ, რაც მიუნხენის "ბაიერნმა" იულიან ნაგელსმანი მთავარი მწვრთნელის პოზიციიდან გაათავისუფლა, არ წყდებოდა ჭორები, რომ გერმანელი სპეციალისტი "ჩელსიში" დაინიშნებოდა. სპორტულ მედიაში ისიც ვრცელდებოდა, რომ 35 წლის მწვრთნელი ლონდონელებისთვის მთავარი სამიზნე იყო. რამდენიმე დღის წინ, "არისტოკრატების" წარმომადგენლები ნაგელსმანთან შეხვედრისთვის გერმანიაშიც კი იყვნენ ჩასულები.
თუმცა, მოვლენები ისე არ განვითარდა როგორც მოსალოდნელი იყო. ფაბრიციო რომანოს ინფორმაციის თანახმად, იულიან ნაგელსმანი "ჩელსის" მთავარი მწვრთნელი აღარ გახდება. ჟურნალისტის თქმით, ეს თავად გერმანელი სპეციალისტის გადაწყვეტილება იყო. მარავალეტაპიანმა მოლაპარაკებებმა უშედეგოდ ჩაიარა.
EXCLUSIVE: Julian Nagelsmann has now withdrawn from the race to become the new Chelsea head coach — it looks like it’s his final decision. 🚨🔵 #CFC
— Fabrizio Romano (@FabrizioRomano) April 21, 2023
German coach is said to be no longer available after multiple round of talks.
Nagelsmann was top candidate for the job. pic.twitter.com/vkU5zcxISH
ამჟამად, ლონდონელებს ფრენკ ლამპარდი ხელმძღვანელობს, რომელიც სეზონის დასრულებისთანავე კლუბს დატოვებს.
ასევე ფაბრიციო რომანოს ინფორმაციის მიხედვით, "ჩელსის" მოსალოდნელ მთავარ მწვრთნელთა სიიდან ამოიშალა ლუის ენრიკეც. ამჟამინდელი მონაცემებით, ინგლისური კლუბისთვის ყველაზე რეალური ვარიანტი მაურისიო პოჩეტინოა.
სხვა სტატიები
