ჩელსი ლიდსს რაფინიას ტრანსფერზე შეუთანხმდა

ბრაზილიის ეროვნული ნაკრებისა და ,,ლიდს იუნაიტედის'' შემტევი, რაფინია ლონდონის ,,ჩელსიში'' გადასვლასთან ახლოსაა. ინფორმაციას იტალიელი ჟურნალისტი, ფაბრიციო რომანო ავრცელებს. წყაროს ცნობით, კლუბებს შორის შეთანხმება უკვე მიღწეულია და ,,არისტოკრატები'' მზად არიან, 25 წლის ფეხბურთელის სანაცვლოდ, რომლითაც ,,ბარსელონა'' და ,,არსენალიც'' ინტერესდებიან, 60-65 მილიონი ფუნტი გადაიხადონ. როგორც რომანო წერს, მოლაპარაკებები ახლა ,,ჩელსისა'' და რაფინიას აგენტს, დეკუს (ბარსელონასა და ჩელსის ყოფილი ფეხბურთელი) შორის მიმდინარეობს და მხარეები კონტრაქტის პირობებს განიხილავენ. რაფინია ,,ლიდსში'' 2020 წლიდან თამაშობს. გასულ სეზონში ბრაზილიელმა ინგლისური გუნდის მაისურით ჩატარებულ 36 შეხვედრაში 11 გოლი გაიტანა და 3 საგოლე გადაცემა მიითვალა.

Chelsea and Leeds have reached full agreement for Raphinha! Official bid accepted around £60/65m [add ons included]. Main part of amount to be paid immediately. It’s done between clubs. 🚨🔵 #CFC Talks now ongoing on player side on personal terms and contract. Boehly, on it. pic.twitter.com/gNbc4HbrTa — Fabrizio Romano (@FabrizioRomano) June 28, 2022