ჩაკვეტაძე დაბრუნდა | უოტფორდის ზედიზედ მესამე ფრე

საქართველოს ნაკრების ისტორიული მატჩის შემდეგ, რომელშიც საბერძნეთი პენალტების სერიაში დავამარცხეთ და ევროპის ჩემპიონატზე პირველად ვიასპარეზებთ, გიორგი ჩაკვეტაძე კლუბის მაისურით მხოლოდ დღეს გამოჩნდა. "უოტფორდის" ბოლო შეხვედრაში, "ვესტ ბრომვიჩთან" სტუმრად (2:2) გიორგი ჩაკვეტაძეს არ უთამაშია. შეხვედრის დაწყებამდე ცოტა ხნით ადრე, ქართველი შემტევი მატჩის განაცხადში არ შეიყვანეს, მიზეზად გიორგის უეცარი ავადმყოფობა დასახელდა.

დღეს "პრესტონის" წინააღმდეგ შეხვედრაში, ჩაკვეტაძე მოედანზე 62-ე წუთზე გამოვიდა, sofascore-გან ქართველმა (7.0) შეფასება დაიმსახურა, whoscored-გან კი (6.2). გიორგიმ 87-ე წუთზე ყვითელი ბარათი მიიღო. შეხვედრა გატანილი გოლების გარეშე დასრულდა.

უოტფორდი ჩემპიონშიპის მე-14 ადგილზე იმყოფება და მომდევნო შეხვედრას სტუმრად, "იპსვიჩის" წინააღმდეგ ჩაატარებს.