ბუდუს საგოლე პასი და კარლსრუეს სამი ქულა - ქართველის კარგი მატჩი გერმანიაში

გერმანიის მეორე ბუნდესლიგის მესამე ტურში ბუდუ ზივზივაძის "კარლსრუე" შინ "ელვერსბერგს" დაუპირისპირდა და უხვგოლიან მატჩში მეტოქე 3:2 დაამარცხა.

ბუდუ ზივზივაძემ მოედანზე 86 წუთი დაჰყო და საგოლე გადაცემა მიითვალა. ქართველმა 48-ე წუთზე მოედნის ცენტრში ორთაბრძოლა მოიგო და შლოსენერი მეკარესთან ერთ-ერთზე დატოვა - ანგარიში 2:1 გახდა.

Flashscore-მ ბუდუს თამაში 6.9 ქულად შეაფასა, ხოლო sofascore-ს და whoscored-ის შეფასებები 7.1 იყო.

ზივზივაძეს სამი ტურის შემდეგ სამი გოლი და ერთი საგოლე გადაცემა აქვს, რითაც ბომბარდირთა დავას ლიდერობს.

მოდევნო მატჩს "კარლსრუე" 1 სექტემბერს, სტუმრად, "ბრაუნშვაინგის" წინააღმდეგ გამართავს, რის შემდეგაც ქართველი ფორვარდი ეროვნულ ნაკრებს შეუერთდება და ერთა ლიგის მატჩებისთვის მოემზადება.