BREAKING | ლიონელ მესი ბარსელონასთან 2-წლიან კონტრაქტს გააფორმებს
3 წლის წინ
ფეხბურთი
2 წთ
ძალიან ვწუხვარ, რომ ყველაფერი ასე განვითარდა. ბარსელონა ჩემი ცხოვრებაა. 13 წლიდან აქ ვცხოვრობ და მეტსაც გეტყვით, ბარსელონაში უფრო მეტი დრო მაქვს გატარებული, ვიდრე არგენტინაში. ყველაფერი აქ ვისწავლე და ფეხბურთელადაც აქ ჩამოვყალიბდი. დღეს თავს კარგად ვგრძნობ. ზაფხულში ძალიან ცუდი პერიოდი გავატარე პრეზიდენტს ჩემი გაშვება არ სურდა და ყველაფერს აკეთებდა იმისთვის, რომ ცუდ ადამიანად წარმოვეჩინე. რაც მოხდა, მოხდა და არაფერს ვნანობ. ვფიქრობდი, რომ ცხოვრების რაღაც ეტაპი დასრულებული იყო და ცვლილება მჭირდებოდა. წასვლა მინდოდა, თუმცა ჩემი შვილები დარჩენას მთხოვდნენ, პრეზიდენტი კი მაიძულებდა, ცვლილებაზე არ მეფიქრა”, – აღნიშნა მესიმ Goal.com-თან საუბრისას.მესის "ბარსელონაში" დარჩენის ფონზე, საინტერესოა, ვიხილავთ თუ არა მესი-აგუეროს ტანდემს "კამპ ნოუზე": ზაფხულში, არგენტინელი თავდამსხმელი "სიტის" ოფიციალურად დატოვებს და თუკი გავითვალისწინებთ იმ ფაქტს, რომ ლუის სუარესის წასვლის შემდეგ, "ბლაუგრანაში" ფორვარდის არყოფნა მკაფიოდ ჩანს, არსებობს იმისი ვარაუდი, რომ აგუერო "ბარსელონას" შეუერთდება. გასულ კვირას, ესპანურმა El Chiringuito-მ გაავრცელა ინფორმაცია, რომ აგუეროს აგენტი ესპანეთში იმყოფებოდა. ესპანური მედიის მტკიცებით, აგუეროს აგენტის ერთ-ერთი მთავარი მისია არგენტინელის "ლა ლიგაში" დაბრუნებაა.
სხვა სტატიები
