ბრაიტონს პრემიერლიგის ისტორიაში ყველაზე ახალგაზრდა მწვრთნელი ეყოლება
"ბრაიტონმა" დაადასტურა, რომ მთავარი მწვრთნელის პოსტზე, რობერტო დე ძერბის 31 წლის გერმანელი სპეციალისტი, ფაბიან ჰარცელერი ჩაანაცვლებს.
ჰარცელერი "სენტ-პაულს" წრთვნიდა და გუნდი 2011 წლის შემდეგ პირველად გადაიყვანა ბუნდესლიგაში. მას შემდეგ, რაც ის ბრაიტონში მუშაობას დაიწყებს, გახდება ყველაზე ახალგაზრდა მუდმივმოქმედი მწვრთნელი პრემიერლიგის ისტორიაში. ჰარცელერი 31 წლის თებერვლის ბოლოს გახდა და ბრაიტონის რამდენიმე წევრზე ახალგაზრდა იქნება, მათ შორის 38 წლის ჯეიმს მილნერზე. ის თამაშობდა მიუნხენის "ბაიერნის" აკადემიაში და გერმანიის ქვედა ლიგებში, სანამ მეოთხე ლიგის "პიპინსრიედის" მოთამაშე-მენეჯერი გახდებოდა.
ბრაიტონს აქვს უნიკალური ისტორია და თამამი ხედვა მომავლის შესახებ, ამიტომ მე ნამდვილად აღფრთოვანებული ვარ, რომ პროექტის ნაწილი ვიქნები. კლუბმა წარმოუდგენელი პროგრესი განიცადა ბოლო რამდენიმე სეზონის განმავლობაში და მიზანია გააგრძელოს ამ წარმატებაზე მუშაობა - განაცხადა ახალმა მთავარმა მწვრთნელმა
გერმანელმა ბრაიტონთან კონტრაქტი 2027 წლამდე გააფორმა და მისი ოფიციალური წარდგენა 2 ივლისს არის დაგეგმილი.
We are pleased to confirm that Fabian Hürzeler will become our new men’s first-team head coach. 💙🤍
— Brighton & Hove Albion (@OfficialBHAFC) June 15, 2024
Fabian has agreed a contract until June 2027. Once his work permit is processed, he will begin work straight away! 🤝