ბორდო ზურიკო დავითაშვილს დაბადების დღეს ულოცავს

საქართველოს ნაკრებისა და ფრანგული "ბორდოს" შემტევი ზურიკო დავითაშვილი იუბილარია. ქართველი ფეხბურთელი დღეს 22 წლის გახდა. ზურიკოს დაბადების დღე "ბორდომ" სოციალური ქსელის საშუალებით მიულოცა.

ამ სეზონში დავითაშვილმა ფრანგული კლუბის მაისური 15-ჯერ მოირგო და 2 გოლთან ერთად 2 ასისტიც ჩაიწერა აქტივში. "ბორდო" საფრანგეთის მეორე დივიზიონში ლიგა 2-ში ასპარეზობს და 39 ქულით მესამე პოზიციას იკავებს. შეგახსენებთ, რომ უმაღლეს დივიზიონში ლიგა 2-დან მხოლოდ ორი გუნდი დაწინაურდება.