"ბევრი ვიბრძოლეთ იმისთვის, რომ ზურიკო დარჩენილიყო" - ეირიკ ჰორნელანი
2 თვის წინ
ფეხბურთი
1 წთ
საფრანგეთის ლიგა 2-ის მე-9 ტურის შეხვედრაში ზურიკო დავითაშვილის სენტ-ეტიენი მონპელიეს ესტუმრა და მეტოქე 0:2 დაამარცხა. ქართველმა შემტევმა მატჩში დუბლი შეასრულა, ზურიკომ ჯერ მე-2 წუთზე, ხოლო შემდეგ 23-ე წუთზე გაიტანა.
მატჩის შემდეგ სენტ-ეტიენის მთავარმა მწვრთნელმა ეირიკ ჰორნელანმა პრესკონფერენციაზე ისაუბრა:
ეს მნიშვნელოვანი მატჩი იყო, განსაკუთრებით წინა ტურში გენგამთან მარცხის შემდეგ. ჩვენ დიდებული ფეხბურთი არ გვითამაშია, მაგრამ მონდომება ჩანდა. ყველაფრის მიუხედავად ორი ძალიან ლამაზი გოლი გავიტანეთ კარგი გუნდის წინააღმდეგ, ორი გოლი, რომელიც აჩვენებს, რომ ამ გუნდს თამაშში კარგი რაღაცების გაკეთება შეუძლია. მონპელიე თამაშს გვირთულებდა, რადგან მე-60 წუთიდან მატჩი ცოტათი არასტაბილური გახდა.
ეს რთული მატჩი იყო, ორივე გუნდს უჭირდა ბურთის კონტროლი და კარგი თამაშის ჩატარება. შეხვედრას ზოგჯერ რიტმი აკლდა, ალბათ იმიტომ რომ ორივე გუნდმა იცოდა თუ რა მნიშვნელობის თამაშიც იყო. ვფიქრობ ორივე მხარეს ძალიან დიდი სტრესი იყო.
ზურიკო დავითაშვილი ჩვენთვის მნიშვნელოვანი მოთამაშეა. ის სეზონის დასაწყისიდანვე ტრავმებითა და უწყვეტობის ნაკლებობით აღსავსე ზაფხულის შემდეგ ცდილობს ფორმაში შესვლას. დღეს მან აჩვენა თუ რამდენად მნიშვნელოვანია სტატისტიკურად. ძალიან მიხარია, რომ ის გვყავს, ჩვენ ბევრი ვიბრძოლეთ იმისთვის, რომ ის დღეს ჩვენთან ყოფილიყო. - ეირიკ ჰორნელანი - სენტ-ეტიენის მთავარი მწვრთნელი
💬 "Nous n’avons pas produit un magnifique football, mais l’état d’esprit a été au rendez-vous. On marque malgré tout deux très jolis buts face à une belle équipe."
— AS Saint-Étienne (@ASSEofficiel) October 4, 2025
La réaction d’Eirik Horneland après #MHSCASSE (0-2) ! 👇
სენტ-ეტიენი ლიგა 2-ის ცხრილში 20 ქულით მე-2 ადგილზეა (6 მოგება, 2 ფრე, 1 მარცხი). მომდევნო შეხვედრას ქართველი ფეხბურთელის გუნდი 18 ოქტომბერს, ლე მანის წინააღმდეგ გამართავს, მატჩი 22:00 საათზე დაიწყება.
.70.webp)
სხვა სტატიები
.32.webp)
