ბერნარდუ სილვა მანჩესტერ სიტის დატოვებს

მანჩესტერ სიტი, ნახევარდაცვაში, დიდი ცვლილებებისთვის ემზადება - კაპიტანი ბერნარდუ სილვა, მიმდინარე სეზონის ბოლოს, გუნდის დატოვებას აპირებს. დადასტურდა, რომ 31 წლის პორტუგალიელი ფეხბურთელი, რომელიც 2017 წლიდან კლუბის ისტორიული წარმატების ქვაკუთხედია, ივნისში, კონტრაქტის ამოწურვის შემდეგ, თავისუფალი აგენტი გახდება.

მრავალმხრივმა მოთამაშემ კონტრაქტი ბოლოს 2023 წლის აგვისტოში გაახანგრძლივა, მაგრამ ის ახალი შესაძლებლობების ძიებაშია. 450 მატჩითა და 153 გოლით, ბერნარდუს წასვლა კლუბისთვის დომინანტური ეპოქის დასასრულს ნიშნავს, სადაც მან პრემიერ ლიგის ექვსი ტიტულის მოგებაში მიიღო მონაწილეობა.

გვარდიოლას თანაშემწემ, პეპ ლიენდერსმა დაადასტურა, რომ კლუბი კაპიტნის პირდაპირი შემცვლელის პოვნას არ შეეცდება. ლიენდერსმა ხაზგასმით აღნიშნა, რომ გუნდი უნდა განვითარდეს: პორტუგალიელი ვარსკვლავის ლიდერობისა და სათამაშო ინტელექტის შედეგად დატოვებული სიცარიელის შევსება, ერთი შენაძენით შეუძლებელი იქნება.

სილვას მხოლოდ ექვსი კვირა დარჩა, რათა გუნდს ამ სეზონში დარჩენილი 2 ტიტულის მოგებაშ დაეხმაროს - პრემიერ ლიგაში 'ქალაქელები' არსენალს 9 ქულით ჩამორჩებიან, ხოლო FA თასზე ნახევარფინალური ეტაპის საგზური მოიპოვეს.