ჯანლუიჯი დონარუმამ და ბენჟამინ ბუშუარიმ მატჩის შემდეგ ზურიკო დავითაშვილზე ისაუბრეს | VIDEO
საფრანგეთის ლიგა 1-ის მე-17 ტურში "სენტ-ეტიენი" "პსჟ"-ს ესტუმრა, სადაც ქართველი ფეხბურთელის გუნდი მინიმალური სხვაობით 2:1 დამარცხდა.
ეს მატჩი ქართველი გულშემატკივრებისთვის ერთ-ერთი გამორჩეული იყო, რადგან ზურიკო დავითაშვილმა 64-ე წუთზე შესანიშნავი გოლი გაიტანა და პარიზულ გუნდთან სხვაობის შემცირება მხოლოდ მან მოახერხა, საბოლოოდ ერთ-ერთი საუკეთესო შეფასებაც დაიმსახურა.
მატჩის შემდეგ, მედიასთან კომენტარი გააკეთეს და ზურიკო დავითაშვილის შესახებ ისაუბრეს, "პსჟ"-ს მეკარე ჯანლუიჯი დონარუმამ და ქართველი ფეხბურთელის თანაგუნდელმა ბენჟამინ ბუშუარიმ.
მან (ზურიკო) ძალიან ლამაზი გოლი გაიტანა, ის შესანიშნავი ფეხბურთელია. ჩვენ აუცილებლად უნდა დავაფასოთ მოწინააღმდეგის კარგი თამაში და მას ტაში დავუკრათ. - ჯანლუიჯი დონარუმა - "პსჟ"-ს ფეხბურთელი
🎙️ La réaction de Donnarumma sur le coup franc direct de Zuriko Davitashvili : « Oui c’est un beau but, c’est un grand joueur, il a beaucoup de qualités et il faut applaudir l’adversaire » #PSGASSE pic.twitter.com/u0DfHVoBFA
— Dounia Mesli (@Mesli_Dounia) January 12, 2025
სიმართლე გითხრათ, საჯარიმო დარტყმის ეპიზოდი კარგად ვერ დავინახე და გოლი არ მახსოვს, რადგან კედელში, მარცხენა ფლანგისკენ ვიდექი, მაგრამ მისი ასეთი დარტყმა რა თქმა უნდა გამიხარდა. - ბენჟამინ ბუშუარი - "სენტ-ეტიენის" ფეხბურთელი
🎙️ L’international marocain Benjamin Bouchouari, évoque le coup franc de son coéquipier Zuriko Davitashvili contre le PSG : « J’étais dans le mur (rires) donc je ne l’ai pas très bien vu, mais je suis content pour lui bien sûr » #PSGASSE pic.twitter.com/3AWtx5gozA
— Dounia Mesli (@Mesli_Dounia) January 12, 2025
საფრანგეთის ლიგა 1-ში "სენტ-ეტიენი" 16 ქულით მე-16 ადგილზეა (5 მოგება, 1 ფრე, 11 მარცხი), მომდევნო შეხვედრას ქართველი ფეხბურთელის გუნდი 19 იანვარს, 18:00 საათზე "ნანტის" წინააღმდეგ ჩაატარებს.
ზურიკო დავითაშვილს მიმდინარე სეზონში 6 გოლი და 2 საგოლე გადაცემა აქვს.
.70.webp)
სხვა სტატიები
.32.webp)
